სასარგებლო რჩევები

ლოცვები წმინდა წერილის წაკითხვამდე და წაკითხვის შემდეგ

წმინდა იოანე ოქროპირის ლოცვა წმიდა წერილის წაკითხვის წინ

უფალო იესუ ქრისტე, განმიხვენ მე თვალნი გულისა ჩემისანი, სმენად სიტყუათა შენთა და გულის-ხმის-ყოფად მისა და ყოფად ნებისა შენისა, რამეთუ მწირ ვარ მე ქვეყანასა ზედა. ნუ დაჰფარავ ჩემგან მცნებათა შენთა, არამედ განახვენ თვალნი ჩემნი, რათა ვხედვიდე საკვირველებასა სულისა შენისსა. მაუწყენ მე, უფალო დაფარულნი საიდუმლოჲსა სიბრძნისა შენისანი, რამეთუ შენდა მომართ არს სასოებაჲ ჩემი, ღმერთო ჩემო, რაჲთა განმინათლო გონებაჲ ჩემი და საცნობელნი წმიდისა მეცნიერებისა შენისანი, არა ოდენ აღმოკითხვად წერილისა, არამედ ყოფადცა მისა, რაჲთა არა დასასჯელად თავისა თჳსისა წმიდათა ცხორებასა და სიტყუათა აღმოვიკითხვიდე, არამედ განახლებად და განსანათლებლად სიწმიდით და საცხოვრებელად სულისა და სამკვიდრებელად საუკუნოსა სუფევისა. რამეთუ შენ ხარ განმანათლებელი მდებარეთა ბნელსა შინა და შენ მიერ არს ყოველივე მოცემა კეთილი და ყოველი ნიჭი სრული, და შენდა შვენის დიდება თანა მამით და სულით წმიდითურთ, აწ და მარადის და უკუნითი უკუნისამდე, ამინ.

ლოცვა წმიდა წერილის წაკითხვის შემდეგ

ჰოი უფალო იესუ ქრისტე, ღმერთო ჩუჱნო, მეუფეო სახიერო და კაცთ-მოყვარეო, ნუ განმეშორები ჩუჱნგან, ნუცა დამიტევებ და ნუცა დაგვაგდებ ჩუჱნ, არამედ ჩუჱნთანა ჯერ იჩინე მარადის ყოფად და შენ სუფევდე ჩუჱნ ზედა. აღხოცენ ხელით-წერილნი ცოდვათა ჩუჱნთანი. გვიხსენ მძლავრებისაგან ეშმაკისა, მყვენ ჩუჱნ მუშაკ წმიდათა მცნებათა შენთა, წარმიძეღვ ქმნად ყოვლად წმიდისა ნებისა შენისა და ღირს გვყვენ ყოველნი მარჯვენით შენსა დგომად დღესა მას სასჯელისასა და ღრუბლითა აღტაცებად, რაჲთა მივემთხვივნეთ კეთილთა მათ მოუგონებელთა და გამოუთქუმელთა ზეცისა სასუფეველისასა. რამეთუ შენ ხარ, რომელსა გნებავს ყოველთა კაცთა ცხორებაჲ და შენი არს სუფევაჲ, ძალი და დიდებაჲ და შენდა შვენის ყოველი პატივი, მადლობაჲ და თაყვანისცემაჲ თანა დაუსაბამოჲთ მამით შენით, და ყოვლად წმიდით, სახიერით და ცხოველსმყოფელით სულითურთ, აწ და მარადის და უკუნითი უკუნისამდე, ამინ.

მედიაწიგნიერება . ჩაქვი 2014. from Nino (ნინო) abuladze (აბულაძე)

პროგრამის „სკოლის ბაზაზე მასწავლებელთა პროფესიული განვითარება“ შემაჯამებელი კონფერენცია გაიმართა

02.07.2014 

სამინისტროს მასწავლებელთა პროფესიული განვითარების ეროვნული ცენტრის პროგრამის „სკოლის ბაზაზე მასწავლებელთა პროფესიული განვითარება“შემაჯამებელი კონფერენცია გაიმართა. პროექტი წელს პირველად ამოქმედდა და მასში 206 საჯარო სკოლის მასწავლებელი მონაწილეობდა საქართველოს ყველა რეგიონიდან.

პროგრამის პილოტორების პროცესში ჩართულმა პედაგოგებმა წარმოადგინეს 2013-2014 სასწავლო წლის ანგარიში და შედეგები, თუ  რა მისცა ამ პროგრამამ პროფესიული განვითარების ჯგუფს, თითოეულ მასწავლებელს და მთლიანად სკოლას. რამდენად იმოქმედა პროფესიულ ურთიერთობებზე, შეუწყო თუ არა ხელი მათ პროფესიულ განვითარებას და სწავლების ხარისხის ამაღლებას. გარდა ამისა, კონფერენციაზე მოხდა წარმატებული გამოცდილების გაზიარება.

2013-2014 სასწავლო წლის დასაწყისში ქვეყნის 206 საპილოტე სკოლაში შეიქმნა შვიდკაციანი პროფესიული განვითარების ჯგუფები. პედაგოგები სკოლის მიერ სხვადასხვა საგნობრივი კათედრებიდან შეირჩნენ. იგეგმება პროგრამაში მონაწილე სკოლების რაოდენობის გაზრდა და ამ მიზნით, „სასკოლო ქსელების“ ამუშავება. მომავალი წლიდან უფრო მეტ სკოლას ექნება შესაძლებლობა მონაწილეობა მიიღოს სკოლის ბაზაზე პროფესიული განვითარების პროგრამაში.

მასწავლებელთა სერტიფიცირების წესი შეიცვლება

21.11.2013

პედაგოგები 2014 წლის მეორე ნახევრიდან, სავარაუდოდ, ახალი სქემის მიხდევით შეფასდებიან და კატეგორიები მიენიჭებათ; აღარ ჩატარდება მასწავლებელთა სასერტიფიკაციო გამოცდებიც, - ამის შესახებ განათლებისა და მეცნიერების მინისტრმა თამარ სანიკიძემ პროექტის „საქართველოს მთავრობა ღია მმართველობისთვის“ ფარგლებში განაცხადა. მისი თქმით, უწყება უკვე მუშაობს ახალ სქემაზე, რომელშიც ყველა პედაგოგი, მათ შორის, სერტიფიცირებული მასწავლებლებიც ჩაერთვებიან. პედაგოგები საგანმანათლებლო პროცესის მსვლელობისას პრაქტიკული ნაწილით და ასევე ტესტებით შეფასდებიან. სანიკიძის განმარტებით, იქნება გამიჯნული ოთხი კატეგორია, ამასთან, მასწავლებელს მუდმივად ექნება შანსი, რომ კატეგორიიდან კატეგორიაში გადავიდეს. განათლების მინისტრმა ასევე აღნიშნა, რომ სქემის განსახორციელებლად საჭიროა საკანონმდებლო ცვლილება, რადგან ამ ეტაპზე კანონში აღნიშნულია, რომ 2015 წლამდე საქართველოს ყველა მასწავლებელი სერტიფიცირებული უნდა იყოს, რაც შეუძლებელია, რადგან ამ დროისთვის პედაგოგთა მხოლოდ მცირე ნაწილი არის სერტიფიცირებული. სანიკიძის თქმით, ახალი სქემის განხორციელება სერტიფიცირებულ მასწავლებელთა ხელფასებზე უარყოფითად არ აისახება.

ოცნებას ვერავინ წაგართმევს

დაბადებამდე ერთი დღით ადრე ჩვილი ეკითხება ღმერთს:
- მეშინია, რატომ მიშვებ სხვა სამყაროში? იქ რა უნდა გავაკეთო?
ღმერთმა დაამშვიდა:
ნუ გეშინია, მე შენ ანგელოზს გაჩუქებ, რომელიც მუდამ შენს გვერდით იქნება. ის შენ ყველაფერს აგიხსნის.
- კი მაგრამ, როგორ გავუგებ მას? მე ხომ მისი ენა არ ვიცი?
- ანგელოზი თვად გასწავლის თავის ენას. იგი ყოველი უბედურებისაგან დაგიცავს.
- შენთან როდის დავბრუნდები?
- შენი ანგელოზი ყველაფერს აგიხსნის.
- რა ჰქვია ჩემს ანგელოზს?
- ამას არა აქვს მნიშვნელობა, მას ბევრი სახელი აქვს, ოღონდ შენ მას დაუძახებ - დ ე დ ა ს

საეკლესიო საკმეველი კიბოს უჯრედებს კლავს 13:29 2014-03-06 მეცნიერებმა შეძლეს, ნაწილობრივ აეხსნათ მათ მიერ გამოკვლეული, კიბოთი დაავადებული იმ პაციენტების განკურნების ფაქტი, რომლებიც ხშირად დადიან ეკლესიაში. ჩატარებულმა ექსპერიმენტმა გამოავლინა, რომ საკმეველს შეუძლია კიბოს უჯრედების მოკვლა.მათ მრავალჯერ დატესტეს საკმეველი და ყოველ ჯერზე ერთი და იგივე შედეგი მიიღეს. საკმეველის არომატული ფისი ხსნის სხეულში ანთებას და მისი გავლენის ქვეშ ონკოლოგიური უჯრედები კვდება, კერძოდ კი, ის უჯრედები, რომლებიც საკვერცხეების კიბოს პროვოცირებას ახდენს. ამერიკაში მოღვაწე მეცნიერ-იმუნოლოგი მაჰმუდ სუჰალი ამტკიცებს, რომ საეკლესიო საკმეველს ონკოლოგიაში დიდი სარგებლობა მოაქვს. ის წარმოშობით ერაყიდანაა და ნელსაცხებლებში ზედმიწევნით კარგად ერკვევა. ერაყის ადგილობრივი მოსახლეობა უკვე მრავალი წელია, რაც სხვადასხვა ნელსაცხებელს სამედიცინო დანიშნულებით აქტიურად იყენებს. ხე, რომლიდანაც საკმეველი მიიღება, ეთიოპიაში, ინდოეთში, იემენსა და ომანის მთებში იზრდება. მის კვამლს ანტიდეპრესანტის მოქმედება აქვს, ხოლო მისგან მიღებულ ზეთს არომათერაპიის დროს გამოიყენებენ. სუჰალმა საკმევლის ფისიდან მიღებული აქტიური ნივთიერებით ხსნარი დაამზადა, რომელიც ხელს უშლის კიბოს უჯრედების განვითარებას. ხსნარს ამ ეტაპზე ცხოველებზე ცდიან. წყარო: marao.ge