Страницы
- მთავარი
- / CV/
- პროფესიული ზდრა და თვითშეფასება
- გაკვეთილის გეგმები
- თემატური გეგმები
- შეფასების რუბრიკები
- მოსწავლეთა ნაშრომები
- პრეზენტაციები
- ფოტოგალერეა
- საგამოცდო ტესტები
- სასარგებლოა იცოდეთ...
- პირველადი დახმარების ღონისძიებები
- ვირტუალური თამაში
- 94-ე საჯარო სკოლის საბ.მეცნიერებების კათედრა
- ჩემი შექმნილი რესურსი
- სასწავლო ვიდეოები
- ეს საინტერესოა
четверг, 22 мая 2014 г.
ინფორმაცია ვირუსული მენინგიტების შესახებ
ზაფხულის სეზონის მოახლოებასთან ერთად ქვეყანაში დაიწყო ვირუსული მენინგიტების რიცხვის მატებაც. ვირუსული მენინგიტების გამომწვევი მრავალია. ამასთან, ამჟამად მატება უპირატესად უკავშირდება ენტეროვირუსულ ინფექციას, რომელსაც 4-5 წლიანი ციკლურობა ახასიათებს და 2006, 2010 წლების მატებათა შემდგომ მიმდინარე სეზონზე პროგნოზირებული იყო. დღეისთვის რეგისტრირებული შემთხვევების შესწავლით სახეზეა ინფექციის გავრცელება უპირატესად თბილისში, თუმცა გავრცელებას არ აქვს კონცენტრული და ფართო ხასიათი. ამ ეტაპზე მიმდინარეობს ვირუსული მენინგიტების კვლევა გამომწვევის იდენტიფიცირების მიზნით.
ენტეროვირუსული ინფექციით ადამიანები ავადდებიან წლის ნებისმიერ სეზონზე, თუმცა ციკლური მატების წლებში საქართველოში შემთხვევათა რიცხვის მატება აღწერილია მაისიდან ნოემბრამდე.
ენტეროვირუსული ინფექციით ავადდება ნებისმიერი ასაკის ადამიანი, თუმცა ჩვილები, ბავშვები და მოზარდები უფრო ხშირად ინფიცირდებიან და ხდებიან ავად. ენტეროვირუსით ინფიცირებულ ადამიანთა უმრავლესობა ავად არ ხდება ან აღენიშნებათ მსუბუქი სიმპტომები. მხოლოდ იშვიათ შემთხვევებში შეიძლება განვითარდეს მძიმე დაავადება. მძიმე დაავადების ან გართულების მაღალი რისკის ქვეშ იმყოფებიან ჩვილები ან სუსტი იმუნიტეტის მქონე პირები. იშვიათად შეიძლება განვითარდეს დამბლებიც.
ენტეროვირუსის გადაცემის მექანიზმი არის ფეკალურ-ორალური, რაც ნიშნავს რომ ინფიცირება შესაძლებელია ფეკალებით დაბინძურებულ ზედაპირებთან შეხების შემდგომ დაუბანელი ხელის ცხვირის, პირის, თვალების ლორწოვანთან შეხებით.
ვირუსული მენინგიტი ხასიათდება ტემპერატურის უეცარი მატებით, თავის ტკივილით და კისრის დაჭიმვით, მას ხშირად თან ახლავს შემდეგი სიმპტომები:
- გულისრევვა
- ღებინება
- ფოტოფობია
- შეცვლილი ცნობიერება
ვირუსული მენინგიტით შესაძლოა დაინფიცირდეს ნებისმიერი ასაკის ადამიანი. ბაქტერიული (რომელიც უფრო მძიმედ მიმდინარეობს) და ვირუსული მენინგიტის სიმპტომები მსგავსია, ამიტომ აუცილებელია პირველივე სიმპტომების გაჩენისას სამედიცინო დაწესებულებაში მიმართვა.
ვირუსული მენინგიტის სიმპტომები განსხვავდება ასაკის მიხედვით:
სიმპტომები ჩვილებში:
- ცხელება
- გაღიზიანებადობა
- უმადობა
- ძილიანობა
სიმპტომები მოზრდილებში:
- მაღალი ტემპერატურა
- ძლიერი თავის ტკივილი
- კისრის დაჭიმვა
- მკაფიო სინათლეზე სენსიტიურობა
- ძილიანობა
- გულისრევა, ღებინება
- უმადობა
ვირუსული მენინგიტის სიმპტომები ჩვეულებრივ 7-10 დღე გრძელდება. ნორმალური იმუნიტეტის მქონე პირები სრულად გამოჯანმრთელდებიან.
პრევენცია
არ არსებობს ვაქცინა ვირუსული მენინგიტის ყველაზე ხშირი გამომწვევის - არაპოლიომიელიტური ენტეროვირუსის საწინააღმდეგოდ. ვირუსის გავრცელების თავიდან აცილება საკმაოდ რთულია, რადგან ზოგჯერ ინფიცირებული ადამიანი არ გამოიყურება როგორც ავადმყოფი, მაგრამ ავრცელებს ვირუსს. ვირუსის გავრცელების პრევენციისათვის რეკომენდებულია შემდეგი ქმედებები:
ხელების ხშირი დაბანა, განსაკუთრებით პამპერსის გამოცვლის, საპირფარეშოს ხმარების შემდეგ;
ხშირად შეხებადი ზედაპირების სველი წესით დასუფთავება ან დეზინფექცია (როგორიც არის კარის სახელური და ა.შ.).
წყარო: http://ncdc.ge/
წყარო: http://ncdc.ge/
среда, 14 мая 2014 г.
გაიცანით მიკრობი რომელიც თქვენს ბალიშში ცხოვრობს.
დროთა განმავლობაში, მტვერი ბალიშში აუცილებლად შედის. 24 გრამ მტვერში დაახლოებით 42,000 ტკიპა ცხოვრობს, მათ ძირითად საკვებს კანის მკვდარი უჯრედები წარმადგენს . რახან მათი დანახვა მხოლოდ მიკროსკოპითაა შესაძლებელი, ვიზუალურად ბუმბული შეიძლება სუფთაც კი მოგეჩვენოთ. რეალური სურათი კი ასეთია - ძილის დროს, ეს ბაქტერიები და მავნე პარაზიტები, სასუნთქი ორგანოების საშუალებით ადამაინის ორგანიზმში ხვდება. ეს ასუსტებს იმუნიტეტს და საფრთხეს უქმნის ჩვენს ჯანმრთელობას.
суббота, 10 мая 2014 г.
| |||||
|
Подписаться на:
Сообщения (Atom)