სასწავლო რესურსი თემაზე --- ფარისებრი ჯირკვლის დაავადებები

მასწავლებელთა ატესტაციის წესი იცვლება

10:00 07-08-2014

მასწავლებელთა ატესტაციის არსებული წესი იცვლება, - ამის შესახებ განათლების მინისტრმა, თამარ სანიკიძემ ჟურნალისტებს განუცხადა, რომელსაც დღეს მთავრობის სხდომაზე გააქვს საკითხი ზოგადი განათლების შესახებ საქართველოს კანონში ცვლილებების შეტანის თაობაზე. 
როგორც სანიკიძემ ჟურნალისტებს სხდომის დაწყებამდე განუცხადა, აღნიშნულ კანონში იყო ძალიან ბევრი ტექნიკური შეცდომა, რომელიც გასწორდება.
"ყველაზე მნიშვნელოვანი მომენტი მაინც ის არის, რომ ჩვენ ვცვლით მასწავლებლების სერთიფიცირების თემას. ჩვენ ვიცით, რომ მასწავლებელი ფასდებოდა არაადეკვატურად გამოცდის მეშვეობით. მოვიძიეთ ინფორმაცია, გადავხედეთ მოდელებს, შევიმუშავეთ ჩვენი ქვეყნისთვის და არსებული სიტუაციისთვის ოპტიმალური მოდელი, რომელიც გულისხმობს მასწავლებლების არა მხოლოდ შეფასებით, არამედ კარიერული განვითარების შესაძლებლობას. ეს უზრუნველყოფს საჯარო სკოლებში ხარისხის ამაღლებას. ცვლილებები გულისხმობს, რომ გამოცდა, რომელსაც მასწავლებელი აბარებდა და ხდებოდა ან არ ხდებოდა სერთიფიცირებული, ეს სქემა შეიცვლება და მასწავლებელიც ჩაერთვება კარიერული განვითარების სქემაში, სადაც დარეგულირებული იქნება როგორც პროფესიაში შესვლა, ისე კარიერული წინსვლა - კატეგორიიდან კატეგორიაში გადასვლა, განვითარება და შესაბამისად, სახელფასო მოტივაცია", - განაცხადა თამარ სანიკიძემ.
მისივე თქმით, გამოცდები არსებული სახით აღარ იქნება, არამედ იქნება სქემა, რომელიც მოიცავს თავის თავის გარკვეულ საგნობრივ გამოცდას.
"დანარჩენი არის საკლასო შეფასება, პრაქტიკაში რასაც აკეთებს მასწავლებელი იმისა და არა ის, რაც აქამდე ხდებოდა. ეს იყო არაადეკვატური და ეს განსაკუთრებით კარგად გამოჩნდა მაშინ, როცა წლიდან წლამდე კანონში თარიღის გადატანა ხდებოდა, ვინაიდან 2014 წლის ბოლოს მასწავლებლების 80% უნდა გაგვეშვა სახლში. ეს იყო სრული კატასტროფა, გაუაზრებელი და არასწორი ნაბიჯი. ჩვენ შევცვალეთ ეს და მასწავლებლებს შევთავაზეთ ადექვატური თემა როგორც საკუთარ თავზე მუშაობისა, ისე განვითარებისა", - განაცხადა თამარ სანიკიძემ. 

კბილის პასტის უჩვეულო დანიშნულება

1. დაგიამებთ მწერების ნაკბენსა და დამწვრობას.

2. ხელს უწყობს მუწუკის სწრაფ მოშუშებას.
3. გაგითეთრებთ ფრჩხილებს.
4. გაგიქრობთ ნივრის, თევზისა და ხახვის სუნებს.
5. ტანსაცმლიდან და ხალიჩებიდან ამოჰყავს რთულადმოსაცილებელი ლაქები.
6. შპალიერიდან ამოჰყავს ფანქრისა და ფლომასტერის კვალი.
7. გაგიპრიალებთ საიუველირო ნაკეთობებს.
8. გამოგადგებათ კომპიუტერის კლავიშების გასაწმენდად.
9. ბავშვის ბოთლებს უსიამოვნო სუნს აშორებს.
10. წაუსვით ცურვის სათვალეს, რათა აღარ დაიბუროს მინები.

ღვთისმშობლის კარედი ხატი, X-XII საუკუნეები, ხახული, ტაო (ამჟამად თურქეთის ტერიტორია) . 
ოქრო, მოოქრული ვერცხლი, ძვირფასი ქვები, მარგალიტი, ტიხრული მინანქარი. ზომა: 148x202 სმ.
საქართველოს ეროვნული მუზეუმის შალვა ამირანაშვილის სახელობის ხელოვნების მუზეუმი. 

ექსპერიმენტი ბიოლოგიის გაკვეთილზე

სკოლებში სწავლა 15 სექტემბერს დაიწყება

საქართველოს განათლებისა და მეცნიერების მინისტრ თამარ სანიკიძის 2014 წლის 15 ივლისის №88/ნ ბრძანებით, "საქართველოს ზოგადსაგანმანათლებლო დაწესებულებებში სასწავლო წლისა და არდადეგების დაწყებისა და დასრულების თარიღების განსაზღვრის შესახებ",  2010 წლის 3 სექტემბრის №84/ნ ბრძანებაში ცვლილება შევიდა, რომლის თანახმადაც:

საქართველოს ზოგადსაგანმანათლებლო დაწესებულებაში, სასწავლო წლის დაწყების თარიღად, 10 სექტემბრის შემდგომი პირველი ორშაბათი განისაზღვრა, ხოლო  დასრულების თარიღად  - 10 ივნისის შემდგომი პირველი პარასკევი.

მინისტრის ბრძანების მიხედვით,  საქართველოს ზოგადსაგანმანათლებლო სკოლებში, პირველი და დამამთავრებელი კლასის მოსწავლეებისათვის სასწავლო წელი 20 მაისს დასრულდება. თუ აღნიშნული თარიღი ემთხვევა უქმე ან დასვენების დღეს, სასწავლო წელი 20 მაისამდე ბოლო სამუშაო დღეს დასრულდება.

ზამთრის არდადეგები დაიწყება  30 - დეკემბერიდან  და  14 -იანვრის ჩათვლით გაგრძელდება .